Argentina terma jamoasi sobiq bosh murabbiyi Alfio Basilening yordamchisi sifatida faoliyat yuritgan Karlos Dibos hujumchi Lionel Messiga nisbatan jiddiy ayblov bildirdi. Murabbiyning ta'kidlashicha, Argentina terma jamoasi bosh murabbiyi lavozimiga nomzodlarni Messi ko'rib chiqadi va futbolchilar ham uning xohishiga ko'ra chaqiriladi.
"Messining o'zi terma jamoa  murabbiylarini tayinlardi va qaysi futbolchini chaqirishni ham u hal qilardi. Biz bu borada hamma narsani bilib bo'lganmiz va bu Argentina uchun ancha yomon holat.
Bu savolga aniqlik kiritishni rejalashtiryapmiz. Hozir jurnalistlar va muxlislar terma jamoa boshqaruviga Diego Simeoneni tayinlash lozimligi haqida gapirmoqdalar. Ammo shaxsan o'zim bunga ishonmayman. Chunki Messi Simeoneni yoqtirmaydi", - deydi Dibos.
Eslatib o'tamiz, Dibos va "Atletiko" bosh murabbiyi Diego Simeone o'zaro qarindosh hisoblanadi.
— deya xabar beradi uff.uz nashri.