To'g'risi, juda ko'p futbol muxlislari uchun “Futbol ekspress” gazetasi alohida qadrli nashr. Uning vafodor mushtariylari ko'pligini aytmaysizmi? Davriy bosma nashrimiz millionlar o'yini yo'nalishida ijod qilishini boshlagandan beri chiqqan barcha sonlarini to'playdigan insonlarning borligiga ham guvohmiz.
Darhaqiqat, yurtimizda chop etiladigan gazetalar orasida  “Futbol ekspress”ning  o'ziga yarasha o'rni, nufuzi bor.  
Futbol ishqibozlari sevimli gazetalarini o'zgacha ardoqlashadi. Chunki, hozirgi kundagi navqiron muxlislar ham futbol borasidagi bilimlarini aynan shu gazeta orqali sayqallashgan, chunonchi u orqali futbol bilan yanada  yaqinroq do'st «tutingan». Bundan yigirma yil oldin futbol yangiliklari haqida bilmoqchi bo'lgan ishqiboz “Ekspress”ga qanday talpingan bo'lsa, hozir ham shunday!
Yurtimizda futbolni ommaviy targ'ib qilinishi va millionlar o'yini muxlislarining yanada ortishida gazetaning o'rni beqiyos.
Shukrullo Ishoqov boshchiligida yigirma yoshni qarshilagan ijodkor jamoaga barcha futbol ixlomandlari nomidan kelgusi ishlarida zafarlar tilab qolamiz.
O'ylaymizki, “Ekspress” jahon va o'zbek futboli haqidagi yangi-yangi loyihalar bilan bizni hali uzoq yillar xushnud etadi.   Elmurod ERMATOV, Zafarbek NE'MATOV  
— deya xabar beradi uff.uz nashri.