“Bunyodkor” – “Paxtakor” uchrashuvidan keyingi matbuot anjumanida birinchi bo'lib “sherlar“ ustozi ishtirok etdi.
- Birinchi bo'limni yaxshi o'tkaza olmadik. Tanaffusdan keyin o'zimizni o'zgartirib, yaxshi vaziyatlar sodir etdik. Biroq gol urishga kelganda aniq o'ynay olmadik.
“Bunyodkor” esa o'z vaziyatlarini golga aylantirdi va g'olib bo'ldi. Bugun ko'p xato qildik. Markazda Maxaradzening yo'qligi sezildi. To'g'ri, bugungi uchrashuvga qadar raqibga qaraganda bizda bir kun ko'p vaqt bo'lgan edi.
Odatda yutqazilgan o'yinlarda jamoa emas, murabbiy yutqazadi. Biroq jamoadagi ichki muammolar ham o'z ta'sirini o'tkazmay qolmayapti. Oylik maoshlarimizni anchadan beri olmayapmiz. Shuningdek, zaxira o'rindig'imiz judayam tor. Qisqa qilib aytganda, tarkibimizda raqobat yo'q. Endi “Lokomotiv” bilan oradagi ochkolar soni bittani tashkil etmoqda. Mavsumning qolgan qismi qiziqarli o'tadi, deb o'ylayman, - deydi No''mon Hasanov.
— deya xabar beradi uff.uz nashri.