Xabaringiz bor, kecha Toshkentning “Lokomotiv” jamoasi Osiyo Chempionlar Ligasi guruh bosqichi 6-tur uchrashuvlari doirasida BAAning “Al Nasr” klubiga qarshi bahs yuritdi.
Mazkur o'yin yakunlangach, har ikki jamoa futbolchilari OAV vakillari uchun ajratilgan mikst-hududda match borasidagi fikrlarini bildirib o'tishdi. Xususan, “temiryo'lchilar” etakchilaridan biri Sardor Mirzaev quyidagilarni ta'kidladi:
- Uchrashuv biz uchun ham, raqib uchun ham oson o'tmadi. O'yin biroz tomoshabop ko'rinish olmaganini sababi – har ikki jamoa ham gol o'tkazib yuborishni istamadi. Natijada esa himoyaga asoslangan o'yin uslubi tanlandi. Ammo yakunda qayd etilgan natija – qoniqarli bo'ldi, deb o'ylayman. Sababi biz orziqib kutilgan natijaga erisha oldik – guruhdan chiqish vazifasini uddaladik. Menimcha, bundan jamoamiz ishqibozlari juda ham xursand.
Endi oldinda bizni dastlab “Obod”, so'ngra “Paxtakor”ga qarshi juda mas'uliyatli o'yinlar kutmoqda. Hozir bor e'tiborimizni shu ikki o'yinga qaratamiz. Keyin esa OChL 1/16 finali haqida bosh qotiramiz.
Davomi Sports.Uz blogida.
— deya xabar beradi uff.uz nashri.