«So'g'diyona» — «Nasaf» (1:2) uchrashuvi yakunlanganidan so'ng tashkil etilgan matbuot anjumanida mezbonlar bosh murabbiyi Davron Fayziev o'z fikrlari bilan o'rtoqlashdi. «O'yin juda qiziqarli va hujumkor kechdi. Biz «Nasaf»ga qarshi himoyaga yotib olgan holda o'ynamadik. Bugungi o'yinni ta'riflab bo'lmaydi. «Agarda bunday bo'lganida, unday bo'lganida» deyish noo'rin. Agar yaratilgan vaziyatlardan foydalana olganimizda hisob hokkeycha ko'rinish olardi», — dedi Davron Fayziev. «Biz «Nasaf»ga kutilmagan «sovg'a» tayyorlagandik. Biroq buni amalga oshirish qo'limizdan kelmadi. Har bir o'yinda ko'plab qulay vaziyatlarni vujudga keltirmoqdamiz. Biroq ulardan samarali foydalanishda oqsamoqdamiz. Biz grandlar bilan himoyaviy emas, ochiq futbol namoyish etmoqdamiz. Lekin bu safar ham rejalarimiz o'xshamadi», — deya qo'shimcha qildi «So'g'diyona» bosh murabbiyi.
— deya xabar beradi uff.uz nashri.