“Pari Sen-Jermen” klubi himoyachisi Serj Ore yozda Frantsiya poytaxtini tark etishi mumkin. France Football nashrining ma'lumotiga ko'ra, parijliklar 23 yoshli futbolchini 15 million evro evaziga sotib yuborishga tayyor. Eslatib o'tamiz, fevral oyida Ore muxlislar savoliga javob berayotib bosh murabbiy Loran Blan hamda hujumchi Zlatan Ibrohimovichni haqorat qilgandi. U vaqtincha parijliklar safidan chiqarilgandi, keyin esa qaytarilgandi. Avvalroq, himoyachiga “Yuventus” hamda “Bavariya” klublari tomonidan qiziqish borligi ma'lum bo'lgandi. Ushbu mavsumda Ore “PSJ“ safida barcha musobaqalarda 30 marta maydonga tushib, uchta gol hamda shuncha golli uzatmaga mualliflik qilgan.
— deya xabar beradi uff.uz nashri.