Madridning “Atletiko” klubi hujumchisi Antuan Grizmann “Manchester Yunayted” jamoasi rahbariyatining asosiy maqsadlaridan biri. El Confidencial nashrining ma'lumotiga ko'ra, ingliz klubi 25 yoshli frantsiyalik futbolchini istalgan pulga sotib olishga tayyor. “MYu” Grizmannning shartnomasida tovon puli qiymati sifatida ko'rsatilgan 80 million evroni to'lashga tayyor. Eslatib o'tamiz, ikki yil ilgari inglizlar “Real”ga Anxel Di Mariya uchun 75 million evro to'lashgandi. Joriy mavsumda Grizmann 51ta o'yinda maydonga tushib, 37ta gol hamda 7ta golli uzatmaga mualliflik qilgan.
— deya xabar beradi uff.uz nashri.