«Bunyodkor» – «Paxtakor» (2:0) uchrashuvidan keyingi matbuot anjumani «Bunyodkor» bosh murabbiyi vazifasini bajaruvchi Baxtiyor Boboev o'z fikrlari bilan o'rtoqlashdi.  «Avval chiroyli g'alaba uchun yigitlarga rahmat aytaman. Ular bugun o'z vazifalarini a'lo darajada bajardilar. Bugungi uchrashuvda ko'proq gol urishimiz ham mumkin edi. Lekin negadir qarshi hujumlardan samarali foydalana ololmayapmiz  «Agar e'tibor berayotgan bo'lsangiz, juda ko'p bora uchga uch, to'rtga uch bo'lib qarshi hujumda oldinga o'tamiz, lekin gol urishga kelganda aniq o'ynay olmayapmiz. Bu kamchilikni bir kunda o'zgartirib bo'lmaydi. Bu borada ishlayapmiz.  «Men bosh murabbiy emasman. Jamoani boshqarib turganim mavsum oxirigacha. «Bunyodkor»da doimo kuchli mutaxassislar ishlab kelgan. Biz bosh murabbiy masalasida shoshilinch qaror qabul qilmadik. O'zimizga mos va jamoaga yordami tegadigan insonni qidiryapmiz. Osiyo Chempionlar ligasiga chiqish-chiqmasligimizdan qat'i nazar «Bunyodkor»ga kuchli mutaxassis olib kelinadi», - deydi Baxtiyor Boboev.
— deya xabar beradi uff.uz nashri.