“Tottenxem” jamoasi hujumchisi Xarri Keyn klub tarixidagi eng boy futbolchiga aylanadi, deb xabar beradi Daily Mail. Ma'lumotlarga ko'ra, 22 yoshli futbolchi tez orada yangi shartnomaga imzo chekadi. Unga ko'ra, angliyalik hujumchining haftalik maoshi 65 mingdan 130 ming evroga oshiriladi. “Tottenxem”da eng ko'p maosh oluvchi futbolchi 100 ming evro oladi. Joriy mavsumda Xarri Keyn APLning 36 o'yinida maydonga tushib, 25 ta gol va 1 ta golli uzatmani o'z hisobiga yozib qo'ygan. Uning amaldagi shartnomasi 2020 yilga qadar mo'ljallangan. 
— deya xabar beradi uff.uz nashri.