Madridning "Real" klubi yarim himoyachisi Garet Beyl jarohati tufayli "Valensiya"ga qarshi kechadigan Ispaniya chempionatining 37-tur uchrashuvini o'tkazib yuboradi. Bu haqida AS nashri xabar tarqatdi. Uelslik futbolchi "Manchester Siti"ga (1:0) qarshi kechgan Chempionlar ligasi yarim finalining javob uchrashuvida kichik jarohat orttirib olgan va to'rt-besh kunga safdan chiqqan. Ushbu mavsumda Beyl La Liganing 22ta o'yinida maydonga tushib, 19ta golga mualliflik qilgan.
— deya xabar beradi uff.uz nashri.