«Bavariya»  bosh murabbiyi Xosep Gvardiola Chempionlar ligasi yarim finalida  «Atletiko»dan uchralgan mag'lubiyatdan so'ng klub shifokori bilan mushtlashib ketishiga bir bahya qoldi.
Myunxendagi javob o'yinidan so'ng Gvardiola shifokorga qarata:  «Godin tezda tuzalib safga qaytibdi, nima uchun sizlar ham shunday ishlamaysizlar, har doim futbolchilar tuzalishini ortga surasizlar?», degan.
Bunga javoban klub fizioterapevti:  «Bunday deyishga haqqing yo'q, chunki Robben va Badshtuberdan boshqa barcha futbolchilar hozir sening ixtiyoringda turibdi», - deya javob qaytargan. Oqibatda murabbiy va shifokor mushtlashib ketishiga bir bahya qolgan. Faqat Riberining aralashuvi bilan janjal kattalashib ketishining oldi olindi.
Eslatib o'tamiz, o'tgan yili  «Bavariya»da 36 yil davomida ishlagan klubning sobiq shifokori Xans-Vilxelm Myuller-Volfart  Gvardiolaning aynan shunday ayblovlaridan so'ng iste'foga chiqarilgan edi. U Gvardiola ketgach yana  «Bavariya»ga qaytishi xabar qilinmoqda.
— deya xabar beradi uff.uz nashri.