Oliy Liga 9-turi doirasidagi "Lokomotiv" (Toshkent) – "Paxtakor" (Toshkent) uchrashuvi 13 maydan 12 may kuniga ko'chirildi. Mazkur o'zgarish, "Lokomotiv" klubining Osiyo Chempionlar Ligasi pley-off uchrashuvlariga jiddiy tayyorgarlik ko'rishini ta'minlash maqsadida amalga oshirildi. Eslatib o'tamiz, Toshkentning "Lokomotiv" klubi O'zbekiston klublari orasida Osiyo Chempionlar Ligasi pley-off bosqichiga chiqa olgan yagona jamoa bo'ldi. Guruh bosqichini muvaffaqiyatli yakunlagan "Lokomotiv" klubi Osiyo Chempionlar Ligasi – 2016 nimchorak finalida Saudiya Arabistonining "Al Hilol" klubiga qarshi o'ynaydi. Jamoalar o'rtasidagi birinchi o'yin 17 may kuni Saudiya Arabistoni poytaxti Ar Riyod shahrida bo'lib o'tsa, javob uchrashuvi Toshkentda 24 may kuni bo'lib o'tadi.
— deya xabar beradi uff.uz nashri.