"Manchester Yunayted" bosh murabbiyi Lui van Gal mavsum yakunida jamoa oldiga qo'yilgan vazifalar haqida gapirib o'tdi.
"Men qolgan uchrashuvlardan birortasida mag'lubiyatga uchrashni o'zimga ep ko'ra olmayman. "MYu" ham o'z navbatida xuddi shunday holatda. Ammo sportda g'alaba bilan birga mag'lubiyat ham bo'ladi va bunga ko'nikishdan o'zga iloj yo'q.
Biz har bir o'yinda g'alaba qozonishimiz shart. Vaziyat bizga katta bosim yuklayapti, ammo "Norvich" ham xuddi shunday holatda. Ular ham g'alaba qozonishi shart. Aks holda APL bilan hayrlashishadi.
Angliya Kubogini yutish va chempionatda kuchli to'rtlikka kirish - muvaffaqiyatmi? Buni klub rahbariyati hal qiladi. Men EChL yo'llanmasidan tashqari Angliya Kubogini ham yutib olmoqchiman. Bu juda muhim sovrin", - deydi van Gal.
— deya xabar beradi uff.uz nashri.