Madridning "Real" klubi himoyachisi Alvaro Arbeloa mavsum oxirida jamoadan ketadi.
Ispaniya chempionati 37-turi doirasida "Valensiya"ga qarshi kechadigan o'yin Arbeloa uchun "Santyago Bernabeu"dagi so'nggi o'yin bo'ladi. Himoyachi madridliklar safida 2009 yildan buyon to'p surib kelmoqda va bu vaqt oralig'ida Ispaniya chempionatida g'alaba qozonishga ulgurgan. Bundan tashqari Arbeloa ikki marta Ispaniya Kubogida ham g'olib chiqqan. Shuningdek bir martadan Ispaniya Superkubogi, Chempionlar ligasi, klublar o'rtasidagi jahon chempionati va UEFA Superkubogini ham qo'lga kiritgan.
Arbeloa "Real"dan ketgach faoliyatini yakunlamasligini ma'lum qilgan. U boshqa jamoa sharafini himoya qiladi.
— deya xabar beradi uff.uz nashri.