«Bavariya» klubi sobiq bosh murabbiyi Otmar Xittsfeld myunxenliklar boshqaruvida Xosep Gvardiola olib borgan ishga yuqori baho berdi.
- Gvardiola «Bavariya»da inqirozga uchradimi? Bu savolga faqat bir javob bor - yo'q, uchragani yo'q. Gvardiolaga nisbatan adolatsizlik qilinmoqda. U nafaqat «Bavariya»ni, balki butun bundesligani kuchaytira oldi.
Uning yutuqlarini tan olmaydiganlar esa futbolda hech narsani tushunmaydilar. Gvardiola jamoa bilan uch marta Germaniya chempionatida g'olib chiqdi.
Albatta 2013 yilda «Bavariya» bir yo'la uch musobaqada g'olib chiqqan edi va shundan so'ng ortga ketish kuzatilishi turgan gap edi. Endi futbolchilar g'alabalarga u qadar chanqoq emaslar va biroz xotirjam o'ynay boshlaydilar.
Ammo Gvardiola futbolchilarni bunday kayfiyatdan asray oldi va g'alabaga bo'lgan ishtiyoqni saqlab qoldi. U uzatmalarga asoslangan o'yinga sayqal berdi, ilgari bunaqasi yo'q edi. Shu bilan birga uning jamoasi tezkor o'yin namoyish qildi.
Menimcha Germaniyada Gvardiolaning qadriga bir necha oydan so'ng etadilar. Odatda yoningdagi odamni qadrlash qiyin bo'ladi, - deydi Xittsfeld.
— deya xabar beradi uff.uz nashri.