Madridning “Real” klubi bosh murabbiyi Zayniddin Zidan “Valensiya”ga qarshi kechadigan Ispaniya chempionatining 37-tur o'yinida tarkibga jiddiy o'zgarishlar kiritmoqchi. Marca nashrining ma'lumotiga ko'ra, frantsiyalik mutaxassis “Atletiko”ga qarshi kechadigan Chempionlar ligasi final o'yini oldidan (28 may kuni, Milanda) jamoa etakchilariga dam bermoqchi. Hal qiluvchi bahs 28 may kuni Milan shahrida bo'lib o'tadi. Jarohatlarlari tufayli Keylor Navas va Garet Beyl maydonga tushmaydi. Ularnini o'rnini katta ehtimol bilan Kiko Kasilya va Lukas Vaskes egallaydi. Daniel Karvaxal ham uchrashuvda ishtirok etmaydi. Karim Benzema va Kazemiro jarohatlaridan forig' bo'lishgan, ammo ular ham tarkibga kiritilmasalar kerak. «Real» – «Valensiya» uchrashuvi 8 may kuni “Santyago Bernabeu” stadionida Toshkent vaqti bilan soat 20.00da boshlanadi.
— deya xabar beradi uff.uz nashri.