Oliy Liga 8-turidan o'rin olgan “Nasaf” – “Qizilqum” (2:0) o'yindan keyingi matbuot anjumanining ikkinchi qismida “Nasaf” ustozi Ro'ziqul Berdiev qatnashdi. "Bugungi o'yindagi asosiy vazifa uch ochkoni qo'lga kiritish edi. Qiyin bo'lishini bilardik. Tarkibimizda jiddiy yo'qotishlar bor edi. Raqibimiz ancha jiddiy jamoa. O'tgan turda uydagi mag'lubiyatdan keyin ular ham g'alaba uchun kurashishlari aniq edi. Tezkor gol bizga yordam berdi. Qarshi hujumlarda ham yaxshi vaziyatlarni yarata oldik. Asosiy vazifamizni bajara oldik. Uch ochko qo'lga kiritildi. Yoshlarimiz bugun ishonchni oqlashdi. Futbol maktabimizda iqtidorlilar etarli.  Rashidxonov  bugun qanotda o'ynadi. Uydagi uyinda qanotda harakat qiladigan futbolchilarga katta kuch tushadi. U bugun buni uddaladi. Umuman bugun maydonga tushgan yosh futbolchilarimizning o'yinidan qoniqdim. Biz o'z futbol maktabimizdan etishib chiqqan yoshlarga bundan keyin ham imkon beraveramiz. Gadoev? Uni shartnomasi yarim yilga mo'ljallangan. Agar u yana “Nasaf”ga qaytishni istasa biz uni o'zimizga qabul qilamiz. Qanday qaror qabul qilish faqat uning ixtiyorida", - dedi “Nasaf” ustozi. 
— deya xabar beradi uff.uz nashri.