«Barselona» hujumchisi Luis Suares Ispaniya chempionati 37-turida «Espanol»ga qarshi kechgan o'yinda ikkita gol kiritdi va jamoasining 5:0 hisobidagi g'alabasiga hissa qo'shdi.
Shu tariqa urugvaylik hujumchi La liganing 34 o'yinida maydonga tushib, 37 ta gol urdi va Evropaning kuchli top-6 ligalarida to'purarlik qilib turibdi. Undan keyingi o'rinlarda  Zlatan Ibrahimovich («PSJ» – 35 gol, 29 o'yin), Krishtianu Ronaldu («Real» – 33 gol, 35 o'yin), Gonsalo Iguain («Napoli» – 33 gol,  33o'yin) va Jonas («Benfika» – 31 gol, 32 o'yin) bormoqda.
Eslatib o'tamiz, «Oltin butsa» uchun bo'ladigan kurashda kuchli top-5 chempionatlarida urilgan gollar uchun ikki ochko beriladi. Oltinchi o'rindan 21-o'ringacha bo'lgan chempionatlardagi gollar uchun esa 1.5 ochko berilsa, qolganlar uchun 1 ochko berilishi lozim. Luis Suares shu vaqtga qadar «Ayaks»da o'tkazgan 2009/10 yilgi mavsumda Niderlandiya chempionatida 35 ta gol urgan edi va o'sha ko'rsatkichini yangiladi.
— deya xabar beradi uff.uz nashri.