“Liverpul” klubi bosh murabbiyi Yurgen Klopp “Rubin”ga qarshi Evropa ligasi guruh bosqichi uchrashuvi oldidan jarohatlangan futbolchilar haqida gapirib o'tdi. “Starrij o'zini yaxshi his etmoqda. Uning maqsadi – yakshanba kungi bahsda ishtirok etish. Qolganlar o'sha kuni maydonga tusha olmaydi. Ingz va Gomes operatsiyani boshlaridan o'tkazdi. Ikkala operatsiya ham muvaffaqiyatli yakunlandi, o'yinchilar tiklanish jarayonini boshlab yuborishdi. Flanagan ham ancha sekin sog'aymoqda. Rossiter – bu boshqa bir masala. Men 19 yoshli yigitcha besh kunda uchta o'yinda ishtirok etganini ko'rmaganman. Bu holatni kimdir bilan muhokama qilishga harakat qilib ko'raman, bu yaxshimas. Firmino, Benteke va Lovren mashg'ulotlariga qaytishdi, ammo ular hali asosiy tarkibda maydonga tushishga tayyor emaslar. Qolgan futbolchilar soppa-sog', tarkibga o'zgartirish kiritsa ham bo'lardi, ammo, guruhdagi vaziyatdan kelib chiqib, rotatsiyaga qo'l ura olmaymiz”, – dedi Klopp.
— deya xabar beradi uff.uz nashri.