Ozarbayjon poytaxti Boku shahrida dzyudo kurashi bo'yicha o'tkazilgan “Katta dubulg'a” turkumiga kiruvchi yirik xalqaro turnirda bittadan oltin, kumush va bronza medaliga sazovor bo'lgan O'zbekiston terma jamoasi umumjamoa hisobida 76 davlat orasida Yaponiya, Ispaniya hamda Gollandiya terma jamoalaridan keyin to'rtinchi o'rinni egalladi.
Terma jamoamiz hisobiga oltin medalni Mirali Sharipov (-73 kg) keltirgan bo'lsa, ushbu vazn toifasida bahs yuritgan yana bir hamyurtimiz G'iyosjon Boboev kumush medalga sazovor bo'ldi. Eng engil vazn toifasida bronza medaliga sazovor bo'lgan hamyurtimiz Diyorbek O'rozboev (-60 kg) ham uchinchi o'rin uchun kechgan bellashuvda jamoadoshi Sharofiddin Lutfullaevni engishga muvaffaq bo'ldi.
Eslatib o'tamiz, mazkur nufuzli musobaqada “Rio-2016” o'yinlarining yo'llanmalari uchun reyting ochkolar ham o'ynaldi. Jumladan, oltin medal sohibi 500 reyting ochkosiga ega bo'ldi. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.