"Tottenxem" klubi 2017/18 yilgi mavsumda uy uchrashuvlarini Londonning "Apton Park" stadionida o'tkazishi mumkin. Bu haqida Daily Mail nashri xabar tarqatdi. Mazkur arena "Vest Xem"ga tegishlidir, biroq, klub uni tark etishga majbur va 2016 yildan boshlab Olimpiya stadionida o'ynay boshlashni rejalashtirmoqda. Ayni vaqtda "Tottenxem" o'ziga yangi stadion qurdirmoqda. Uning ochilish marosimi 2017 yilga belgilangandi, ammo qurilish sud ishlari cho'zilib ketganligi tufayli to'xtab qoldi. Avvaliga "Tottenxem"ning vaqtinchalik "Uembli"ga o'tish ehtimoli bor edi, ammo Angliyaning bosh arenasiga "Chelsi" ham da'vogarlik qilyapti, chunki jamoaning uy stadioni "Stemford Bridj" da ta'mirlash ishlari olib borilishi kerak. Oldinroq "Apton Park" ni buzib tashlab o'rniga elita uylari qurish mo'ljallangan edi, ammo shaxar xokimiyati bilan kelishuv bo'lmagani sabab, bu loyiha amalga oshmaydigan bo'ldi.
— deya xabar beradi uff.uz nashri.