22 noyabr 2015 yil. Frantsiya chempionati. 14-tur. “Renn” – “Bordo” uchrashuvi. Chempionatning ikki o'rtamiyona jamoalar o'yini. Avvalgi jismoniy holatini tiklash bilan band bo'lgan Yoann Gurkyuff jamoadoshlarining o'yinini tribunadan tomosha qilar edi. 18 yashar, unchalik ko'zga tashlanmaydigan Usman Dembele hisobni ochdi. Bu bahs odatdagidek o'tishi mumkin edi. Agarda bugungi qahramonimizning goli bo'lmaganida. Usman avval to'pni qabul qildi, raqibning futbolchisi to'pni olib qo'ymasin deb gavdasi bilan berkitdi va jamoadoshiga uzatdi. Ikkita pasdan so'ng to'p yana Dembelega etib keldi. Usman esa ikkkilanmay darvozani ishg'ol qildi.
Ismi: Usmán Dembelé
Tug'ilgan sanasi: 15.05.1997
Klubi: “Renn”, Frantsiya
Pozitsiyasi: yarim himoyachi.
Professional darajadagi ilk golini nishonlayotgan vaqtda Usman 18 yosh 6 oy va 7 kunlik edi. Asosiy tarkibdagi ilk o'yindayoq birinchi gol. Ammo qahramonimizning faoliyatidagi xorij zaboni bilan aytganda “krutoy” burilish 29 turga kelibgina ro'y berdi. Bundan avval Usman “Gengam”, “Loryan”, “Trua”, “Lill”, “Tuluza” darvozasiga gol urgan. Biroq aynan shu turda u o'zining ilk xet-trikini qayd etdi. Bu voqea tvitterda duv-duv gapga sabab bo'ldi. “Barselona”, “Milan”, “Shalke”, “Arsenal”, “Lester” klubidan Dembelenining o'yinini  tomosha qilish uchun tashrif buyurgan kuzatuvchilar kelganiga afsuslanishmadi.
Usman birinchi daqiqadayoq hisobni ochdi. So'ngra Grositskining golidan keyin yana ikki bor “Nant” posbonini xafa qildi. Ayni vaqtga kelib Dembele 25 uchrashuvda 12 ta golni hisobiga yozib qo'ydi. Frantsiya chempionatida bir mavsumda 9 tadan ko'p gol urgan 19 yoshga to'lmagan futbolchining natijasi so'nggi bor 1990-1991 yilgi chempionatda kuzatilgan.  E'tibor bering-a Usmon 26 yil avvalgi natijani endigina, 17 uchrashuvda qayd etdi. Yana bir ma'lumot: so'nggi bor 2005 yilda Jeremi Menez 17 yoshida raqibning darvozasiga uchta to'p kiritgan.
Nima sababdan Dembele uchun “Barselona” 35 mln evrodan voz kechishga tayyor ekanini ko'rib chiqamiz. Har holda “Barselona” kabi klub buncha katta summani behudaga sarflamasa kerak:
Jismoniy imkoniyati:
Dembele ikki oyog'i bilan ham to'pga kuchli zarba bera oladi. Murabbiylar unda ambidekstriyaning kamdan kam uchraydigan holati borligini ta'kidlashgan. Aniqlik kiritish maqsadida m editsinaga murojat qilamiz. Ambidekstriya – chap va o'ng qo'llning tug'ma yoki ish jarayonida bir xilda ishlashining rivojlanganligi. Bunday imkoniyatga ega insonlar vaziyatni tez baholay olishadi va tezkorlik bilan qaror chiqarishadi. Balkim shuning uchundur Filipp Montane va Rolan Kurbis Dembeleni ikki qanotda va hujum markaziga joylashtirishgan. Barcha musobaqalarni hisobga olganda: 9 uchrashuv chap qanotda, 10 ta bahsda o'ng qanotda.
Dribling:
Joriy mavsum boshida Usman 75 bor driblingini namoyish qildi. Bu “Nannt”ning boshqa a'zolari ko'rsatgan driblingidan ikki barobar ko'p degani. Faqatgina Neymar bitta uchrashuvda Dembelega qaraganda ko'proq aldamchi harakatlarni amalga oshiradi.
Davomi sports.uz blogida.
— deya xabar beradi uff.uz nashri.