Portugaliyaning Funchal shahrida suzish bo'yicha bo'lib o'tgan Evropa ochiq chempionatida mamalakatimiz paralimpiyachilari 1 ta oltin, 2 ta kumush va 4 ta bronza medaliga sazovor bo'ldilar.
E'tiborlisi, 50dan ortiq davlat vakillari ishtirokida o'tkazilgan mazkur yirik musobaqada mamlakatimiz sportchilari sovrinli o'rinlarni qo'lga kiritish bilan Jahon va Osiyo rekordlarini ham yangilashga muvaffaq bo'ldilar.
Eslatib o'tamiz, bugungi kunga kelib mamlakatimiz paralimpiyachilari joriy yilning 7-18 sentyabr kunlari Rio-de-Janeyro shahri (Braziliya)da o'tkaziladigan Paralimpiya o'yinlariga 25 ta yo'llanmani naqd qilib qo'yishgan. Shundan 5tasi suzish bo'yicha terma jamoamiz a'zolari tomonidan qo'lga kiritilgan.
Shavkat Jalilov
O'zbekiston Milliy Olimpiya qo'mitasi matbuot xizmati
— deya xabar beradi uff.uz nashri.