1news.uz —  O'zbekiston Milliy Olimpiya terma jamoasi joriy yilning 5-21 avgust kunlari Braziliyaning Rio-de-Janeyro shahrida o'tkaziladigan XXXI yozgi Olimpiada o'yinlarida  medallar soni bo'yicha avvalgi natijalarni ortda qoldiradi.
Bu haqda  “Sport” telekanaliga intervyu chog'ida O'zbekiston Milliy Olimpiya qo'mitasi prezidenti Mirabror Usmonov ma'lum qildi.
Uning aytishicha, hozirgacha o'zbekistonlik olimpiyachilar 77 ta Rio (ayni damda – 79 ta – 1news.uz) yo'llanmalarini qo'lga kiritishgan.
“O'zbekistonlik sportchilar XXXI yozgi Olimpiada o'yinlariga jami 100 ga yaqin yo'llanmalarni qo'lga kiritishi kutilmoqda. Muhimi, bo'lajak Olimpiya o'yinlarida sportchilarimiz medallar soni bo'yicha avvalgi natijalarimizni ortda qoldirishiga etarli asoslarimiz bor”, – dedi Mirabror Usmonov.
O'zbekiston Milliy Olimpiya qo'mitasi rahbarining fikricha, 2019 yilga kelib, yurtimizda har qanday sport yo'nalishlari bo'yicha jahon chempionatlarini o'tkazishga etarli shart-sharoit yaratiladi. Davomi 1News.Uz blogida.
— deya xabar beradi uff.uz nashri.