Madridning “Real” jamoasi 2015 yilni o'ta yomon tarzda yakunlagan edi. Biroq ushbu yil klub uchun hozircha omadli kechmoqda. Bunga jamoaning yangi bosh murabbiyi Zinedin Zidanning hissasi yuqori desak aslo mubolag'a bo'lmaydi. Biz XXI asrda Zizuning “blankos” libosidagi sobiq raqamida to'p surgan futbolchilarni esga olib o'tishni lozim topdik.
Zinedin Zidan (Frantsiya)
Zidan 2001 yili rekord darajadagi transfer evaziga “Yuventus”dan “Real”ga o'tdi. Zinedin Madridda 2006 yilga qadar to'p surib, 225 uchrashuvda 49 golga mualliflik qildi. Frantsuz yarim himoyachisi “galaktikos” libosida 6 ta musobaqada zafar quchdi. Shuningdek u 30 dan ortiq shaxsiy mukofotlar egasi aylandi. Jumladan 2003 yili jahonning eng yaxshi futbolchisi sifatida e'tirof etildi.
Fabio Kannavaro (Italiya)
Kannavaro ham “Real”ga “Yuventus”dan o'tdi. Italiyalik himoyachi Madridda 2006-2009 yillar davomida 116 uchrashuv o'tkazdi. Fabio ham Zidan singari “Real”ga o'tib dunyoning eng yaxshi futbolchisiga atalgan mukofotni qo'lga kiritdi. To'g'ri bunda himoyachining terma jamoasi bilan birgalikda mundialda qozongan g'alabasi katta rol o'ynadi. Kannavaro Ispaniyadagi qisqa faoliyati davomida “Santyago Bernabeu” muxlislarining yoqimtoyiga aylana oldi.
Fernando Gago (Argentina)
Zidan va Kannavarodan keyin “Real”ning “5” raqami unchalik ham omadli bo'lmay qoldi. Gago 2006-2011 yillarda “Real” tarkibida 121 uchrashuvda 1 ta gol urdi. Argentinalik himoyachi jamoadagi kuchli raqobat natijasida keyingi mavsumni ijara asosida “Roma”da o'tkazdi. Gago “blankos” libosida 4 ta sovringa sazovor bo'ldi.
Nuri Shahin (Turkiya)
2011 yili “Real” Dortmundning “Borussiya”sida yorqin nur sochgan Shahinni o'z safiga qo'shib oldi. Bir mavsumda 10 uchrashuvda 1 ta gol urgan Nuri jamoa ustozi Mourinoning e'tiboriga tusha olmadi. Bunga jarohatlar ham yo'l qo'ymagandi. Shundan keyin turk o'g'loni bir mavsumni “Liverpul”da ijarada o'tkazib, keyingi yili yana jonajon jamoasiga qaytib ketdi.
Davomi Furqat Yusupov blogida.
— deya xabar beradi uff.uz nashri.