“Manchester Yunayted” jamoasi bosh murabbiyi Lui van Gal “Vest Xem”ga qarshi (2:3) Angliya chempionati 35-tur qoldirilgan o'yinidan so'ng o'z fikrini bildirib o'tdi. “Men afsusdaman, chunki hisobda oldinda borayotgan edik. Hech qaysi murabbiy 2:1 yuta turgan jamoasi yakunda mag'lub bo'lishidan ko'ngli to'lmaydi. Standart vaziyatlardagi xatolar tufayli gollar o'tkazib yubordik. Uchrashuv oldidan jamoa avtobusi “Vest Xem” muxlislari tomonidan hujum qilindi. Ular turli buyum va ichimlik idishlarini uloqtirishdi. Ushbu holat tufayli uchrashuv biroz kechiktirildi. O'yin oldidan avtobusga qilingan hujum futbolchilarga ta'sir o'tkazadi deb o'ylagandim, ammo bunday bo'lib chiqmadi”, – dedi gollandiyalik mutaxassis. 
— deya xabar beradi uff.uz nashri.