"Barselona" hujumchisi Lionel Messi Ispaniya chempionati doirasida "Espanol"ga qarshi kechgan bahsda jarimadan gol kiritdi va jamoasining 5:0 hisobidagi g'alabasiga hissa qo'shdi.
Shu tariqa argentinalik hujumchining "Barselona" tarkibida jarimadan urgan gollari soni 23 taga etdi. Aynan shuncha gol "Barselona" klubi sobiq himoyachisi Ronald Kuman tomonidan kiritilgan edi.
Qiziq tomoni, 2008/2009 yilgi mavsumga qadar Messi umuman jarima zarbalarini amalga oshirmagan, chunki tarkibda Ronaldino, Xavi va boshqa futbolchilar bor edi. Ammo vaqt o'tgani sari Messi bu borada ham o'yinini kuchaytirib bordi.
— deya xabar beradi uff.uz nashri.