“Barselona” hujumchisi Luis Suares uchun ushbu mavsum juda ham omadli kelmoqda. U La ligada Ronaldu va Messining gegemoniyasiga baham berayotgani ham so'zimizga isbot bo'la oladi. Biz urugvaylik hujumchining 2015/2016 yilgi mavsumda qayd etgan rekordlariga to'xtalib o'tishni joiz deb topdik.
1. XX I asr rekordi
Urugvaylik hujumchi Ispaniya chempionatida “Deportivo”ga qarshi bahsda 4 ta gol urib, yana 3 ta golga hammualliflik qildi. Shu tariqa Suares XXI asrda Ispaniya chempionatida bir o'yinda 7 ta golda qatnashgan ilk futbolchiga aylandi.
2. Primerodagi yagona futbolchi…
Suares chempionatning 34 va 35-turlarida “Deportivo” va “Sporting” jamoalari bilan kechgan bahslarda 4 tadan gol urdi. Natijada Luis Ispaniya chempionatida ketma-ket ikki uchrashuvda “poker” qayd etgan ilk futbolchi bo'ldi.
3. Ronaldu va Messidan tezroq
Luis Chempionlar ligasida 15-golini urish uchun 23 ta o'yinda maydonga tushishiga to'g'ri keldi. ChLda 15 gol kiritish uchun Messi 29, Raul 33, Ronaldu 51 uchrashuv o'tkazgan. Demak urugvaylik bu borada afsonaviy hujumchilarni ortda qoldirdi.
4. Klublar o'rtasidagi jahon chempionatida “xet-trik”ka erishgan ilk futbolchi
2015 yilning dekabrida Suares jamoasi bilan birga klublar o'rtasidagi mundialda ishtirok etdi. U yarim finalda “Guanjou”ga qarshi bahsda 3 ta gol urib, mazkur musobaqada “xet-trik” qayd etgan birinchi va hozircha yagona futbolchi bo'lib turibdi.
5. Klublar o'rtasidag jahon chempionatida 1 mavsumda eng ko'p gol urgan futbolchi
Yarim finalda 3 ta va finalda 2 ta gol urgan Suares ushbu turnirning bir mavsumida eng ko'p gol urgan futbolchiga aylandi. Bungacha hech bir futbolchi bir mavsumda KO'JChda 5 ta gol urmagan edi.
6. Chempionatdagi eng omadli mavsum
Suares Ispaniya chempionatining ushbu mavsumida hozircha 37 ta gol urishga muvaffaq bo'ldi. Bu Luisning shaxsiy rekordi hisoblanadi. Bundan oldin u 2009/2010 yilgi mavsumda “Ayaks” safida Gollandiya chempionatida 35 ta gol urgandi.
7. Chempionlar ligasidagi eng omadli mavsum
Urugvaylik hujumchi Chempionlar ligasining ushbu mavsumida 9 uchrashuvda 8 gol urib, shaxsiy rekordini o'rnatdi. Bundan oldin Suares o'tgan mavsumda 7 ta gol kiritgandi.
Davomi Furqat Yusupov blogida.
— deya xabar beradi uff.uz nashri.