FIFA ijro qo'mitasi Mexikodagi kongress davomida JCh-2026 formati va musobaqada ishtirok etadigan jamoalar sonini muhokama qildilar. Bu borada yakuniy qaror oktyabr oyida bo'ladigan yig'ilishda qabul qilinadigan bo'ldi.
Musobaqa mezbonini tanlash uchun tayyorgarlik to'rt bosqichga bo'linadi: yangi strategiya va konsultatsiya 2016 yilning may oyidan 2017 yilning may oyiga qadar davom etadi. Arizalar qabul qilish esa 2017 yilning iyun oyidan 2018 yilning dekabriga qadar olib borilsa, arizalarga baho berish 2019 yilning yanvaridan 2020 yilning fevraliga qadar davom etishi ko'zda tutilgan. Mezbon borasidagi yakuniy qaror esa 2020 yilning may oyida qabul qilinadi.
Eslatib o'tamiz, FIFAning yangi prezidenti Janni Infantino JCh ishtirokchilari sonini 40 taga etkazish haqida bayonot bergan edi.
— deya xabar beradi uff.uz nashri.