Turinning “Yuventus” jamoasi bosh murabbiyi Massimiliano Allegri “Borussiya M”ga qarshi kechgan Chempionlar ligasi guruh bosqichining 3-tur uchrashuvidan so'ng o'z fikrlarini bildirdi. “Yaqqol golli vaziyatlarni aytadigan bo'lsak, ular deyarli bo'lmadi. Ammo biz bir nechta xavfli vaziyatlar keltirib chiqardik. Ba'zida o'yinchilarim noto'g'ri qaror qabul qilishdi. Raqib himoyasini yorib o'tish uchun, so'nggi uzatmani aniqroq bajarish kerak edi. “San-Siro”dagi “Inter“ga (0:0) qarshi kechgan o'yinda ham xuddi shunday bo'lgan edi, o'shanda ham biz vaziyatlarni golga aylantira olmagan edik. Bugun men g'azabdaman, chunki biz so'nggi yarim soatda yaxshiroq o'ynashimiz va gol urishimiz mumkin edi “, — deya Allegrining so'zlarini keltiradi Mediaset Premium nashri.
— deya xabar beradi uff.uz nashri.