"Chelsi" hujumchisi Diego Kosta "Atletiko"ga qaytishni istamoqda.
Xabar qilinishicha, 27 yoshli hujumchi Angliya chempionatiga moslasha olmagan va bosh ustiga ingliz tilini hamon yaxshi gapira olmaydi. Shuningdek Kosta muxlislar va jurnalistlar bilan ham yaxshi aloqa o'rnata olmadi.
Shu sababli "Chelsi" Kostani "Atletiko"ga sotib, uning o'rniga "Napoli"dan Gonsalo Iguainni sotib olmoqchi. Bu taklifni "Chelsi"ni kelasi mavsum boshqaradigan Antonio Konte bildirgan. Iguainning transferi uchun londonliklar 48 million evro to'lashi mumkin. Ammo "Napoli" prezidenti Aurelio De Laurentis Iguainni faqat 94 million evro evaziga sotishi mumkinligini bildirgan.
O'z navbatida "Chelsi" Diego Kosta uchun "Atletiko"dan 30 million evro olishni ko'zlayapti. Kosta joriy mavsum Premer ligada 28 o'yinda 12 ta gol urdi va 7 ta golli uzatmani amalga oshirdi. Iguain esa A seriyada 34 o'yinda 33 ta gol urgan va 3 ta golli uzatmani amalga oshirgan.
— deya xabar beradi uff.uz nashri.