O'zbekiston terma jamoasi sardori Odil Ahmedov “Krasnodar”ning “Krilya Sovetov”ga qarshi (3:0) Rossiya chempioanti 28-turida jarohat olib maydonni tark etgandi. Uchrashuvdan so'ng o'zbekistonlik futbolchi jarohati haqida ma'lumot berdi. “Oyog'imning son qismini torttirib yubordim. Etkazilgan shikast darajasi qanchalik og'ir ekanini bilmasam-da, o'zimni yaxshi his qilyapman. Tibbiy ko'rikdan o'taman, ammo jarohat jiddiy emasligini sezyapman”, – dedi Ahmedov. Eslatib o'tamiz, hamyurtimiz uchrashuvning 15 daqiqasida jarohat olib maydonni tark etishga majbur bo'lgandi. 
— deya xabar beradi uff.uz nashri.