Madridning “Atletiko” klubi hujumkor yarim himoyachisi Saul Niges “Tottenxem” jamoasi rahbariyatining qiziqishlari doirasiga kirgan. Londonliklar 21 yoshli ispaniyalik xavbekni klub tarixidagi eng ko'p maosh oluvchi futbolchiga aylantirishga tayyor. “Tottenxem”ga o'tsa, Saul soliqlar ushlab qolingandan so'ng yiliga 6 million funt sterling maosh olish imkoniga ega bo'ladi. AS nashrining ma'lumotiga ko'ra, “Atletiko” o'yinchi uchun tovon puli qiymatini oshirgan holda, Saulni jamoada olib qolmoqchi. Ayni vaqtda, amaldagi besh yillik shartnomaga ko'ra tovon puli qiymati 36 million funtni tashkil qiladi.
— deya xabar beradi uff.uz nashri.