Rossiya chempionati 28-turida «Rostov» klubi Moskvaning «Dinamo» jamoasiga qarshi safarda maydonga tushdi va 3:1 hisobida g'alabaga erishdi.
E'tiborli jihati, rostovliklar tarkibida Eron terma jamoasi hujumchisi Serdar Azmun ikkita gol kiritishga muvaffaq bo'lgan. JCh-2018 saralashida O'zbekiston terma jamoasiga raqib bo'ladigan hujumchi «Dinamo»ga qarshi kechgan bahsning 40 va 50-daqiqalarida gol kiritib, jamoasiga g'alaba taqdim etdi. Azmun 72-daqiqada zaxiraga olingan va uning o'rniga Buxarov maydonga tushirilgan.
Ushbu g'alabadan so'ng «Rostov» musobaqa jadvalida ikkinchi o'ringa qaytdi.
Dinamo – Rostov 1:3 (1:1, 0:2)
Gollar: 1:0 – 17 Bechiray, 1:1 – 40 Azmun, 1:2 – 50 Azmun, 1:3 – 64 Kudryashov.
Dinamo – Gabulov, Jivoglyadov (Morozov, 60), Samba, Xolmen, Sosnin, Denisov, Zobnin, Ionov, Dragun, Tashaev (Solomatin, 60), Bechiray.
Rostov – Janaev, Rotenberg (Kalachev, 53), Bashtush, Navas, Novoseltsev, Kudryashov, Mogilevets (Ezzatollaxi, 82), Noboa, Eroxin, Poloz, Azmun (Buxarov, 72).
Ogohlantirishlar: Rotenberg (37), Kalachev (69).

— deya xabar beradi uff.uz nashri.