"Barselona" hujumchisi Luis Suares Ispaniya chempionati so'nggi turida "Granada"ga qarshi kechadigan o'yin haqida fikr bildirdi. Eslatib o'tamiz, Madridning "Real" klubi "Granada"ni rag'batlantirishi mumkinligi aytilmoqda.
"Men "Granada" maydonga rag'bat olgan holda tushishiga ishonmayman. Men ularning futbolchilari o'zini hurmat qilishiga ishonaman va ular o'zlari uchun g'alaba qozonishga urinib ko'radilar. Biz esa Ispaniya chempioni bo'lish uchun kurashamiz", - deydi Suares.
Eslatib o'tamiz, ayni vaqtda "Barselona" 88 ochko bilan birinchi o'rinda bormoqda, "Real" hisobida esa 87 ochko mavjud.
— deya xabar beradi uff.uz nashri.