"Vilyarreal" yarim himoyachisi Denis Suares "Barselona"ga o'tishni juda istamoqda. Klublar deyarli kelishuvga erishib bo'ldilar va futbolchining orzusi amalga oshishga yaqin turibdi.
Suares bilan shuningdek yana "Arsenal", "Tottenxem" va "Napoli" ham qiziqish bildirgan edi. Ammo futbolchi aynan kataloniyaliklar safida muvaffaqiyatga erishishga ishonmoqda. "Vilyarreal" Denis Suaresni "Barselona"ga 3 million 250 ming evro evaziga sotadi, ammo kelgusi ikki mavsum davomida kataloniyaliklar futbolchini boshqa klubga sotadigan bo'lsalar, ma'lum foizga ega bo'ladilar.
— deya xabar beradi uff.uz nashri.