Ispaniya Professional futbol ligasi «Rayo Valekano»ning ba'zi futbolchilariga nisbatan surishtiruv ishini boshladi.
«Rayo Valekano»ning ba'zi futbolchilari Ispaniya chempionati 37-turida "Real Sosedad"ga qarshi kechgan bahsni ataylab yutqazib berishda shubha qilinmoqda. Uchrashuvda «Rayo Valekano» 1:2 hisobida mag'lubiyatga uchragan va quyi ligaga tushib ketish xavfi ostida qolgan edi. «Rayo Valekano» futbolchilari o'z jamoasining mag'lubiyatga uchrashi uchun pul tikkanlikda ayblanmoqda.
Chorshanba kuni futbolchilar bilan muxlislar uchrashganlar va ulardan izoh talab qilishgan. «Rayo Valekano» ayni vaqtda musobaqa jadvalida 35 ochko bilan 19-o'rinni egallab turibdi.
— deya xabar beradi uff.uz nashri.