Frantsiya terma jamoasi bosh murabbiyi Dide Desham “Nitstsa” hujumkor yarim himoyachisi Hotam Ben-Arfaning Evro-2016 musobaqasiga boradigan tarkibiga kiritmagani sababini aytib o'tdi. “Ben-Arfa yaxshi mavsumni o'tkazdi, lekin termada raqobat kuchli. Uning raqobatchilari undan ko'proq gol urgan. Jiru barcha turnirlarda 25 ta gol, Marsyal ham xuddi shuncha, Grizmann esa barchasini ortda qoldirdi. Uning natijalarini shubha ostiga olmayman. Ben-Afra “Nitstsa” safida yaxshi o'ynadi, ammo boshqalar ham undan qolishmadi. Qaror qilish qiyin edi. Uning o'yiniga shubha qilganimda zaxiradagilar safiga qo'shmagan bo'lardim”, – dedi Desham. Avvalroq Frantsiya terma jamoasining Evro-2016 musobaqasi uchun tarkibini e'lon qilgan edik. Joriy mavsumda 29 yoshli Ben-Arfa “Nitstsa”ning barcha turnirlarida 36 o'yin o'tkazib, 18 ta gol va 5 ta golli uzatmaga mualliflik qilgan. 
— deya xabar beradi uff.uz nashri.