Frantsiyaning “PSJ” jamoasi rasmiy saytida hujumchi Zlatan Ibrohimovich klub bilan shartnomasini uzaytirmasligi va yozda Parijni tark etishini tasdiqladi. Shunga qaramay, tomonlar boshqa bir kelishuvga erishdi. 34 yoshli shvetsiyalik futbolchi faoliyatini yakunlagach, “PSJ”ga qaytadi va klub tizimida boshqaruv lavozimlaridan birida ishlaydi. Zlatan Ibrohimovich 2012 yilda parijliklar safiga kelib qo'shilgandi. Bu vaqtga qadar u “PSJ”ning 178 o'yinida maydonga tushib, 152 ta gol kiritishga muvaffaq bo'lgan.     
— deya xabar beradi uff.uz nashri.