Madridning «Atletiko» klubi hujumchisi Fernando Torres jamoa bilan yangi shartnoma imzolashi haqidagi xabarlarni tasdiqladi.
"Klub men bilan yangi shartnoma imzolamoqchi va bu men uchun muhim ahamiyatga ega. Ayni vaqtda muzokaralar davom etmoqda.
Ammo men uchun bu ikkinchi darajali savol bo'lishi kerak. Chunki oldinda bizni o'ta muhim o'yin kutib turibdi. Shunga qaramasdan muzokaralar o'tkazilayotganidan xursandligimni aytishim kerak", - deydi Torres.
Eslatib o'tamiz, "Atletiko" klubi EChL finalida "Real"ga qarshi maydonga tushishi lozim. Uchrashuv 28 may sanasida, Milandagi "San Siro" stadionida bo'lib o'tadi.
— deya xabar beradi uff.uz nashri.