Londonning “Arsenal” jamoasi yarim himoyachisi Mesut O'zil yozda Italiyaga o'tib ketishi mumkin. Germaniyalik futbolchining xizmatlariga “Yuventus” klubi qiziqish bildirmoqda. Turinliklar futbolchining vakillari bilan bir necha bor aloqaga chiqqan va uning transferi borasida kelishuvga erishishga umid qilmoqda. Avvalroq, “Arsenal” rahbariyati O'zilning shartnomasini uzaytirishga va uning maoshini 140 ming evrodan 200 ming evrogacha oshirishga tayyor ekanini ma'lum qilgan. Eslatib o'tamiz, O'zil 2013 yilda “Real”dan 50 mln evro evaziga “to'pchilar” safiga kelib qo'shilgandi. Uning amaldagi shartnomasi 2018 yilning 30 iyunida yakuniga etadi.
— deya xabar beradi uff.uz nashri.