Bugun Oliy liganing 9-turi oldidan yoshlarimiz "Sho'rtan"ga qarshi maydonga chiqdi. Bu bahsda Baxtiyor Sattarov shogirdlari yirik hisobda g'alaba qozondi.

Uchrashuvning 7 daqiqasidayoq Humoyun Murtozaev ikki himoyachini ortda qoldirgan holda darvozani ishg'ol etishni uddaladi. Shundan so'ng tashabbusni vakillarimiz qo'lga oldi. Buning natijasida Firdavs Asadov 35 daqiqada ikkinchi golga mualliflik qilib hisobni oshirdi. Bo'lim yakunlanishiga ozgina qolganda qanotdan uzatib berilgan to'pni Murtozaev boshi bilan darvozaga joylab qo'ydi va yakuniy hisobni ta'minladi.  Ikkinchi bo'limda tashkil etilgan hujumlar samarasiz yakunlandi. 70 daqiqada futbolchimiz Jonibek Mirzaqulov maydondan chetlashtirildi. O'yinda boshqa hisob o'zgarmadi. 

Ushbu g'alabadan so'ng yoshlarimiz ochkolari 10 taga etdi va turnir jadvalida 9-pog'onada bormoqda. Endi Sattarov shogirdlari navbatdagi turni 27 may kuni safarda "Olmaliq"qa qarshi o'tkazadi.

Yoshlar ligasi, 9-tur
«Mash'al» (Muborak) – «Sho'rtan» (G'uzor) 3:0
Hakam: D. Muxtorov (Toshkent)
Nazoratchi: S. Ermatov (Toshkent)
Gollar: Humoyun Murtazoev 7, - 1:0. Firdavs Asadov 35, - 2:0. Humoyun Murtazoev 45, - 3:0. 
Chetlatish: Jonibek Mirzaqulov (70)
— deya xabar beradi uff.uz nashri.