Milanning “Inter” klubi darvozaboni Samir Xandanovich yozgi transferlar mavsumi vaqtida Parijning “PSJ” jamoasi safiga kelib qo'shilishi mumkin. Xabar qilinishicha, Xandanovich “Inter” Chempionlar ligasiga yo'llanma kirita olmaganidan norozi va jamoasini o'zgartirishga qarshi emas. “PSJ” 31 yoshli sloveniyalik futbolchiga qiziqmoqda va o'yinchi bilan muzokaralarni boshlab yuborgan. “PSJ”dan tashqari Xandanovich bilan “Chelsi” hamda “Barselona” klublari qiziqishmoqda. Xandanovich joriy mavsumda Italiya chempionatining 36ta o'yinida maydonga tushib, 34ta gol o'tkazib yuborgan.
— deya xabar beradi uff.uz nashri.