O'zbekiston U-16 futbolchi qizlar terma jamoasi ayni damda Osiyo chempionati final bosqichiga tayyorgarlik ko'rmoqda. 4 — 15 noyabr kunlari Xitoyda qit'a birinchiligi bo'lib o'tadi.
Jahon chempionati yo'llanmalari o'ynaladigan mazkur chempionatga hozirlik ko'rayotgan terma jamoamiz bosh murabbiyi Bahrom Norsafarov bilan mazkur musobaqa va unda qizlarimiz oldiga qo'yilgan vazifalar to'g'risida suhbtalashdik.
- Terma jamoamiz qit'a chempionatiga qanday tayyorgarlik olib bormoqda?
- Tayyorgarlik jarayoni juda yaxshi ketmoqda. 19 oktyabrdan yig'inlarga kirishdik. Qizlar mashg'ulotlarda o'zlarini ko'rsatishga harakat qilishmoqda. Jamoamizning asosini “Mash'al” klubi qizlari tashkil etgani va ular mening qo'l ostimda shug'ullanishini inobatga olsak, qizlarning barchasini imkoniyatini juda yaxshi bilaman. Boshqa klublardan kelgan futbolchilarni esa yig'inning ilk kunida test qilib oldik. Barcha qizlar ham mashg'ulotlarda astoydil ishlashmoqda. Bundan ko'nglim to'layotganini ayta olaman.
- Musobqa oldidan guruhdagi raqib jamoalar ham o'rganilyaptimi?
- Ha, albatta. Guruhimizdan o'rin olgan boshqa terma jamoalar o'yinlari ham imkon qadar o'rganilmoqda. Ularning o'yinlari tushirilgan disklarga egamiz va nazariy mashg'ulotlar paytida qizlar bilan bu o'yinlarni tomosha qilib, tahlil qilishga urinyapmiz.
Davomi Sports.Uz blogida.
— deya xabar beradi uff.uz nashri.