“Roma” jamoasi hujumchisi Edin Jeko “Milan” klubi rahbariyatining qiziqishlari doirasiga kirgan. La Gazzetta dello Sport nashrining ma'lumotiga ko'ra, milanliklar Zlatan Ibrohimovichning (“PSJ”) transferini amalga oshira olmagach, e'tiborlarini 30 yoshli bosniyalik futbolchiga qaratganlar. Jekoning transferi “Milan”ga 12–13 million evroga tushishi mumkin, uning yillik maoshi esa 4,5 million evroni tashkil qiladi. Jekoning o'tishi shuningdek hujumchi Karlos Bakkaning “Milan”dagi kelajagiga bog'liq. Kolumbiyalik o'yinchiga evropalik va xitoylik klublar da'vogarlik qilishmoqda.
— deya xabar beradi uff.uz nashri.