Dortmundning “Borussiya” klubi rahbariyati yozda hujumchi Usmon Dembelening transferi amalga oshishi haqida rasman e'lon qildi. Hozircha “Renn” jamoasi safida to'p surayotgan futbolchi, nemis klubi bilan 2021 yilga qadar mo'ljallangan shartnomaga imzo chekadi. O'yinchiga bir qator klublar da'vogarlik qilayotgandi. Endigina 19 yoshga kiradigan Dembele Evropa futbolining yorqin iste'dodlaridan biri sifatida e'tirof etilmoqda. Ushbu mavsumda hujumchi “Renn” safida chempionatning 25ta o'yinida 12ta gol kiritib, jamoaning eng yaxshi to'purari bo'lib turibdi.
— deya xabar beradi uff.uz nashri.