O'zbekiston Respublikasi Davlat mustaqilligining yigirma besh yilligi munosabati bilan mamlakatimiz miqyosida tashkil etilgan shu nomli yoshlar festivali vodiy gavhari Andijon viloyatida mehmon bo'ldi.
Biz Andijon viloyati bo'ylab uch kun davomida o'tkazilgan tadbirlar davomida yoshlar qalbida o'z Vataniga, Mustaqillik g'oyalariga sodiqlik va sobitlik hissini, tinch va osuda yurtda kamol topayotganidan yuragi g'urur va iftixorga to'la ekanligini yana bir bor kashf etdik.     
Taniqli san'atkorlar, teatr va kino aktyorlari, ell suygan estrada xonandalari, zamon bilan hamnafas  jamoat arboblaridan tashkil topgan targ'ibot guruhi vakillari viloyatning barcha tumanlarida bo'lib, turli loyihalarda uchrashuvlar, gala-kontsert dasturlari bilan ishtirok etdilar.
 “Sog'lom avlod” stadionida yigirma mingga yaqin tomoshabin ishtirokidagi bo'lib o'tgan yakuniy gala kontsert mahobatini esa ta'riflashga til ojiz.
Andijon yoshlari gala-kontsert oldidan taniqli san'atkorlar va faol yoshlar jamoalari o'rtasidagi  Futbol shousini tamosha qilishdi. Kulgili sahnalar bilan yo'g'rilgan tamosha edi, bu.  E'tiboringizga, ushbu futbol shousidan olingan fotolavhalarni havola etamiz. Elmurod ERMATOV,
Andijondan Uff.uz sayti uchun maxsus

— deya xabar beradi uff.uz nashri.