“Bavariya” jamoasi yarim himoyachisi Mario Gettse “Liverpul” klubi transfer maqsadi bo'lib qolmoqda. The Daily Mail nashrining ma'lumotiga ko'ra, ingliz klubi futbolchini 20 million funt evaziga sotib olishga tayyor. Gettsening “Bavariya” bilan shartnomasi 2017 yili o'z nihoyasiga etadi. Avvalroq, myunxenliklar ustozi Karlo Anchelotti o'yinchining xizmatlariga muhtoj emasligi ma'lum bo'lgandi. Gettse uchun kurashda uning sobiq jamoasi Dortmund “Borussiya”si bosh favorit bo'lib turibdi, biroq, “Liverpul” Evropa ligasi finalida g'alaba qozonib, Chempionlar ligasiga yo'llanmani qo'lga kiritsa, transfer amalga oshishining ehtimoli ancha oshadi.
— deya xabar beradi uff.uz nashri.