“Bunyodkor” – “Buxoro” uchrashuvidan (3:0) keyingi matbuot anjumanining birinchi qismida buxoroliklar ustozi ishtirok etdi.
- Birinchi bo'limni yomon o'tkazmadik. Bizni ikkinchi taymda urilgan tezkor gol sindirdi. O'yin davomida uchta qo'pol xatoga yo'l qo'ydik. Natijada shunga yarasha jazolandik. Ilk bor yirik hisobda mag'lubiyatga uchradik.
“Buxoro”ning barcha futbolchilari ishonchni oqlash uchun harakat qilishmoqda. “Buxoro” qariya futbolchilarni yig'ib oldi, deb ayblamasliklarini so'rardim. Tarkibimiz yaxshi. O'tgan yili oliy ligada jon saqlab qolish uchun kurashgandik. Bu yil esa musobaqa jadvalining yuqori qismidan joy olganmiz.
Yaxshi jamoa tuzish uchun 2-3 yil kerak. Bizga vaqt beringlar, keyin hammasi joyida bo'ladi. Oldinda “Paxtakor”ga qarshi kubok doirasidagi uchrashuv kutib turibdi. Bahsga yaxshi tayyorlanib, muxlislar ishonchini oqlashga harakat qilamiz, - deydi Jamshid Saidov.
— deya xabar beradi uff.uz nashri.