«Nyukasl» bosh murabbiyi Rafael Benites kelasi mavsum jamoadagi kelajagi haqida gapirib o'tdi. Eslatib o'tamiz, «Nyukasl» muddatidan avval quyi ligaga tushib ketishga ulgurgan.
- Agarda men hali shu erda ekanman, demak meni hali iste'foga chiqarishmagan. Biz buni hali muhokama qilamiz. «Tottenxem»ga qarshi kechadigan o'yindan so'ng muzokara o'tkazamiz va bu uzog'i bilan ikki haftada ma'lum bo'ladi.
Men klub rahbariyati bilan yaxshi munosabatdaman. Biz vaziyatni o'rganib chiqamiz va bir necha bor uchrashib, gaplashib olamiz. Hozir men xafaman, chunki o'zim istagan natijaga erisha olmadim. Biroq oxirgi o'yin oldidan professional bo'lib qolish lozim, - deydi Benites.
— deya xabar beradi uff.uz nashri.